Har du vore på IKEA eller BILTEMA? Har du sett alle hyllene og varene dei har på lager? Avanserte system syt for at varene ligg der dei skal og at rette produkt finnes for kunden.

Slike system har ein også i industrien. Tenk deg alle delane som skal til for å byggje ei boreplattform eller ein båt. Det kan vera stålplater på fleire tonn, ein maskin, eller pakningar på nokre få gram. Moderne industri er avhengig av at alt er på rett plass til rett tid. Logistikkfaget er eit viktig fag for at industrien skal kunne produsera effektivt.